Edukids

EduKids - o‘quvchi-yoshlar uchun mo‘ljallangan bo‘lib, yosh avlodni kelajakda muvaffaqiyatga erishish va o‘z ustida ishlashga chaqirish, shuningdek o‘quvchilarda ma’lum bir mavzular bo‘yicha aniq tasavvurni shakllantirishga qaratilgan 100 dan ortiq ilmiy-ommabop animasion dayjestlar to‘plamidir.

Maktab.uz

Masofaviy ta’lim platformasi. Ushbu platforma masofaviy ta’lim jarayonini amaliyotga keng joriy etish, ta’lim berishda innovatsion shakl va usullaridan samarali foydalanish, sinflar kesimida barcha mavzular bo‘yicha videodarslar bazasini yaratish imkoniyatini beradi.

Uzbekcoders.uz

Dasturlashni o‘rganish uchun ochiq va bepul onlayn platforma.  Ushbu onlayn portal 4 ta yo‘nalish (ma’lumotlar tahlili (Data analysis), android ilovalar (Android), Front-End, Full-Stack) bo‘yicha istagan kishiga IT-mutaxassisliklarni mutlaqo bepul o‘rganish imkoniyatini beradi.

Onlinedu.uz

Uzluksiz kasbiy ta’lim platformasi.

Ish.uzedu.uz

Ushbu tizim bo‘sh ish o‘rinlari bo‘yicha ma’lumotlarni e’lon qilish va malakali kadrlarni topishga hamda ularni ish bilan ta'minlash imkoniyatini yaratadi.

Smartland

Interfaol virtual ta’lim platformasi. Ushbu ta’lim platformasi orqali bolalar bo‘sh vaqtlarini mazmunli o‘tkazishlari uchun interaktiv ko‘rinishdagi mantiqiy o‘yinlar to‘plamidan foydalanishlari mumkin.

Ustozmukofoti.uz

Portal zamonaviy talablarni inobatga olgan holda xalqaro tajriba asosida tanlov o'tkazish orqali faol va salohiyatli pedagog va murabbiylarni qo'llab-quvvatlash, rag'batlantirish maqsadida ishlab chiqilgan.

Olympiad.uzedu.uz

Fan olimpiadalarining onlayn platformasi boʻlib, onlayn olimpiadalar tashkil etish va iqtidorli o‘quvchilar bazasini shakllantirish axborot tizimi. Ushbu tizim orqali 4-11-sinf o‘quvchilari masofadan turib 6 ta fandan olimpiadalarda ishtirok etish imkonini beradi.

Idea.uzedu.uz

Mazkur platforma o‘quvchi-yoshlarning xalq ta’limi tizimini rivojlantirish bo‘yicha g‘oya va takliflarini shakllantirish va ularni qo‘llab-quvvatlashga mo'ljallangan. Ushbu platformaning maqsadi foydalanuvchilarning taklif va g‘oyalarini yig‘ish, saralash va amaliyotga joriy etishga yo‘naltirish, innovatsiyalarni joriy etishda fuqarolarning ishtirokini ta’minlashdan iborat.

Kundalik.com

Elektron baholash tizimi, ota-ona va o‘quvchilarga darslarni o‘zlashtirishni onlayn kuzatish va monitoring qilish imkoniyatini beradi. Respublika bo‘yicha 2020-2021 o‘quv yilida 2 500 dan ortiq maktabda elektron jurnal Kundalik.com tizimi joriy etildi. 2021-2022 o‘quv yilida esa 4 mingdan ortiq maktablarda joriy etilishi rejalashtirilgan.

Attestat.uzedu.uz

Elektron shahodatnoma platformasi. Xalq ta’limi tizimidagi maktab bitiruvchilari to‘g‘risidagi ma’lumotlarni avtomatlashtirish maqsadida “Attestat” avtomatlashtirilgan axborot tizimi ishga tushirildi. Bugungi kunda jismoniy shaxsning shaxsiy identifikasiya raqami (JSHSHIR) bilan bog‘langan holda 1,7 mln. bitiruvchilarning shahodatnomalari raqamlashtirilgan.

Kitob.uz

O‘quvchilar o‘rtasida kitobxonlikni yanada kengaytirish bo‘yicha elektron portal. Kitob.uz axborot tizimiga 2 100 dan ortiq adabiyotlarning elektron va audio shakllari yuklandi. Shuningdek, portalning Android va iOS operatsion tizimlari uchun mobil ilovalari ishga tushirildi hamda 20 mingga yaqin foydalanuvchilar tomonidan yuklab olindi.

My.maktab.uz

Umumta’lim maktablariga o‘quvchilarni onlayn qabul qilish tizimi. Ushbu tizim ota-onalarga qulaylik yaratish, vaqtni tejash va byurokratik to‘siqlarni kamaytirish kabi sharoitlarni yaratadi.

“Zamonaviy maktab”larni baholash jarayonini tashkil etish” loyihasi

Mazkur loyiha O‘zbekiston Respublikasi Prezidentining 2019-yil 26-noyabrdagi PQ-4537-sonli “Zamonaviy maktab”larni tashkil etish chora-tadbirlari to‘g‘risida”gi qarorini o‘z vaqtida va sifatli ijrosini ta’minlash maqsadida ishlab chiqilgan. Loyiha doirasida “Zamonaviy maktab”larni baholash jarayonini tashkil etish bo‘yicha xalqaro tajriba, milliy tizimdagi holat o‘rganildi hamda loyihaning konsepsiyasi tasdiqlandi. Shu bilan birgalikda, manfaatdor vazirlik va idoralar bilan birgalikda “Zamonaviy maktab”larga qo‘yiladigan talablar, tartib va metodikalar ishlab chiqildi va tasdiqlandi. 2020-yilda ishlab chiqilgan talablar, tartib va metodika asosida respublika bo‘yicha 11 ta maktabda aprobatsiya o‘tkazildi. 2021-yilda esa yana 42 ta maktabda aprobatsiya o‘tkazildi, talablar takomillashtirildi, iyul oyi oxiriga qadar sertifikat berish rejalashtirilgan.